ДЕМОГРАФИЈА

Според податоците на Васил К’нчов (Македонија. Етнографија и статистика) од 1900 година, во селото Радожда имало 650 жители, сите Македонци. Според егзархискиот секретар Димитар Мишев, во 1905 година во Радожда имало 800 Македонци, од кои 480 под врховенството на Бугарската егзархија и 400 патријаршисти. Според последниот попис на населението на Македонија од 2002 година, Радожда има 808 жители и претставува голема населба. Следува табела на националната структура на населението:

РОДОВИ

Статистички гледано селото бележи благ пад на бројот на своето население, кое во 1961 година броело 866 жители, а во 1994 година 849 жители. Во селото се говори на посебен дијалект со свои карактеристики, кој во македонската дијалектологија е познат како вевчанско-радошки дијалект. Селото Радожда отсекогаш, па сѐ до денес е населено исклучиво со Македонци од православна христијанска вероисповед.

Според истражувањата од 1979 година, родови во селото се:

Староседелци: Пејовци (23 к.), Скрчески (18 к.), Славковци (17 к.), Несторовци (18 к.), Шеќеровци (10 к.), Кутаноски (10 к.), Бакрачески (10 к.), Шопоски (9 к.), Мангоски (9 к.), Јулоски (9 к.), Солакоски (7 к.), Кумбароски (4 к.), Бушовски (4 к.), Пуроски (3 к.) и Волканоски (1 к.)
Доселеници: Степаноски (2 к.) доселени се, но не знаат од каде; Љакоски (6 к.) доселени се од некое место во Црна Гора; Шајноски (10 к.) доселени се однекаде.

На табелата е прикажан преглед на населението низ сите пописни години:

Page updated

Google Sites

Report abuse

ДЕМОГРАФИЈА

РОДОВИ

♥ РАДОЖДА ♥